O “ ketchup” ou “ catsup” é unha salsa agridoce de tomate, con vinagre, azucre e especias, que na súa orixe foi unha salsa para o peixe que preparan na China e á que chaman “ kôe- chiap” (salsa de peixe en escabeche).

“Curri” é o nome xeralmente adoptado en Occidente para describir unha serie de pratos elaborados cunha mestura de especias, máis ou menos picantes, desenvoltas nas cociñas asiáticas.

Esta conserva é a tradicional salsa que se facía fritindo os tomates da horta con outras verduras e hortalizas finamente partidas, sen triturado final, podendo utilizarse en multitude de pratos como guarnición ou combinándoa con pastas, arroces, carnes e peixes.